/ Whistleblowing

Armundia Factory sh.p.k. ka ngritur një kanal të dedikuar e të sigurt për raportimin e shkeljeve të mundshme të kuadrit ligjor, duke garantuar konfidencialitet të plotë dhe mbrojtje për çdo sinjalizues.

Sipas Ligjit Nr. 96/2025 «Për Sinjalizimin dhe Mbrojtjen e Sinjalizuesve»

1. Çfarë mund të raportoni

Mund të sinjalizoni çdo veprim ose mosveprim që përbën ose mund të përbëjë shkelje të kuadrit ligjor, për të cilin keni dijeni në kontekstin e veprimtarisë suaj të punës.

• Praktika korruptive, mashtrim ose përvetësim
• Shkelje në fushën e shërbimeve dhe tregjeve financiare
• Shkelje të mbrojtjes së të dhënave personale dhe sigurisë së rrjeteve
• Pastrim parash ose financim terrorizmi
• Shkelje të tjera që bien në fushën e zbatimit të Ligjit Nr. 96/2025

2. Kush mund të sinjalizojë

E drejta për të sinjalizuar i përket çdo personi që ka dijeni për një shkelje në kontekstin e punës, pavarësisht nga natyra ose kohëzgjatja e marrëdhënies.

• Punonjës dhe drejtues: aktualë ose të mëparshëm, me çdo lloj kontrate.
• Kandidatë për punë: persona në proces përzgjedhjeje ose intervistimi.
• Furnitorë dhe partnerë: nënkontraktorë, bashkëpunëtorë, konsulentë
• Persona të lidhur: ndihmës, kolegë ose të afërm që mund të pësojnë hakmarrje.

3. Si të sinjalizoni

Kanali pranon sinjalizime me email dhe me postë. Mund të zgjidhni gjithashtu të mbeteni plotësisht anonim.

• Email i dedikuar: orjon.nallbati@onlawoffice.com
• Me postë: blv. Gjergj Fishta, Pall. TeknoProjekt, Kulla III, Ap. 9, Tiranë

Pavarësisht nga kanali i brendshëm, ju keni gjithmonë të drejtë t’i drejtoheni drejtpërdrejt ILDKPKI-së si autoritet kompetent për sinjalizimin e jashtëm.

4. Procesi dhe afatet

• 7 ditë: konfirmimi i marrjes së sinjalizimit nga data e paraqitjes.
• 90 ditë: afati maksimal i hetimit administrativ të sinjalizimit.
• 3 muaj: informimi për ecurinë dhe rezultatin përfundimtar.

5. Garancitë tuaja

• Konfidencialitet: identiteti juaj ruhet i mbrojtur dhe zbulohet vetëm me pëlqimin tuaj të shprehur me shkrim.
• Anonimitet: sinjalizimet anonime pranohen dhe trajtohen në kushte të barabarta me çdo sinjalizim tjetër.
• Mbrojtje nga hakmarrja: çdo veprim hakmarrës ndaj jush për shkak të sinjalizimit është i ndaluar dhe i pavlefshëm me ligj.
• Barra e provës: në rast hakmarrjeje, barra për të provuar të kundërtën bie mbi punëdhënësin, jo mbi ju.

Mbrojtja nga hakmarrja: Nëse vlerësoni se jeni bërë objekt i një veprimi hakmarrës, kërkesa për mbrojtje paraqitet pranë ILDKPKI-së, autoriteti kompetent sipas nenit 22 të Ligjit Nr. 96/2025.

6. Pavarësia e mekanizmit

Mekanizmi i sinjalizimit administrohet nga një njësi përgjegjëse e pavarur, palë e tretë e jashtme dhe e licensuar (OnLawOffice — Av. Orjon Nallbati), në përputhje me nenin 14/8 të Ligjit dhe kriteret e pikës 20 të Udhëzimit nr. 1/2026. Kjo pavarësi garanton trajtim të paanshëm të çdo sinjalizimi, edhe kur ai prek drejtimin e Shoqërisë. Në rastet e konfliktit të interesit caktohet një zëvendësues i pavarur. Sinjalizuesi ruan gjithmonë të drejtën t’i drejtohet ILDKPKI-së.

OnLawOffice · Njësi Përgjegjëse e Pavarur

Njoftim për Përpunimin e të Dhënave Personale — Sinjalizimi

Për mënyrën se si përpunohen të dhënat tuaja personale në kuadër të kanalit të sinjalizimit — bazën ligjore, kategoritë e të dhënave, marrësit, transferimet ndërkombëtare, afatin e ruajtjes dhe të drejtat tuaja — lexoni Njoftimin e plotë për Përpunimin e të Dhënave Personale, të linkuar më poshtë. Ky njoftim është i veçantë nga politika e përgjithshme e privatësisë së faqes.

Document version: 1.0 / Last updated: 03.07.2026